مش بعدد الليكس

اللى على الشمال دى كايلى جينر صاحبة الرقم القياسى العالمى لأكتر صوره جمعت لايكات فى التاريخ ب 18 مليون لايك على انستجرام.

الكلام ده كان لحد يوم 4 يناير سنة 2019 لما قرر شخص يعمل حساب جديد على انستجرام ويسميه

World record egg

وحط فيه صورة البيضه دى وكتب عليها جمله واحده بس..

Here we break the world likes record.

فى ظرف 10 ايام كان عدد متابعين الحساب ده 2.7 مليون متابع وحاليا وصلوا ل 4.8 مليون تقريبا.

صورة البيضه بقى جابت اكتر من 55 مليون لايك.

بغض النظر عن تفاهة التحدى الا انه بيوجه رساله مهمه جدا لناس كتير وبيصحح مفهوم مغلوط عند ناس اكتر وهو ان عدد ال followers وال likes مش مقياس لأى حاجه..

مش معنى ان ال posts والصور بتاعت شخص معين بتاخد likes كتير انه محبوب اكتر منك او مشهور اكتر منك او الناس عاوزاه اكتر منك

والا كانت البيضه دى بقيت اكتر حد محبوب فى الكون..

السوشيال ميديا زرعت جوانا فكرة المقارنه اللى هى اكتر فكره مدمره لشخصية الإنسان ولاحترامه لنفسه ولقيمتها.

ابنى نفسك فى الحقيقه وصدق انك مميز وقيمتك مش مجرد ليك على شاشة موبايل